Айтар, айтпасымды білмей ойланып жүргеніме бірнеше күн өтті. Ақыры, ортаға салуға бекіндім. Жақсы араласатын, жақсы көретін, білімді, тәуір қызметте істейтін. өте тәрбиелі інішек бар еді. Осы айдың басында жұма намаздың уақытында кездесіп қалдық. Намазға ерте кетейін деп едім, інішегім өзімді айран-асыр еткен сөз шығарды.
-Көке, мен Тәңіршілдікті таңдадым.
-Қой, бауырым! Оның не?
Інішек телефонын ашып, видеоларды көрсете батсады.. Ғаламторда болған. Көргенмін. Қаба сақал, шолақ балақ жігіттер адамдардың басын доп етіп футбол ойнап жүр.
-Көке, мына бастар он бес жасқа толмаған, еш кінәсі жоқ балалардікі. Жазығы-бір уақ футбол ойнапты. Нақтылы анықтадық. Щырыладатып, қалай сойды екен иттер! Осылар адам ба? Ал мына имам аналар туралы нақұрыс айтпайтын сөз айтты. Ана силамаған тобырдан кетуге бел будым.
Сманов деген уағызшының кредитке байланысты оттышын көрсетті. Одан әрі інішегімді тоқтатып алдым.
-Бұлардың істегені исламның жолы деген қате пікір. Мұсылманның ең бірінші талабы-адамның көркем мінезді болуы...
Ініме біраз ақыл айттым. Бір сөзімді бөлмей тыңдады.
-Рахмет, көке! Бірақ мен Тәңіршілдікті зерттей бастадым. Тыва, Хакас, ежелгі қазақ Тәңіршілдігі туралы дерек жинап жүрмін. Интернетте мен сияқты жігіттер бар екен. Уақап, салаф дегендерің ізін баса алмайды. Сауатты, интелектері жоғары,әрқайсысы бірнеше тіл біледі. Ұлттық мүддеге, қазаққа адал азаматтар. Өзіңіз интернеттен іздеп көріңізші...
Өкіндім, қатты өкіндім. Әрине, інішегімді әлі де ақылға шақырамын. Сіздер қандай ақыл айтасыздар?
Тәңіршілдік - сайын даланы мыңдаған жылдар мекендеген көшпелі Көк Түрік ұрпақтарының сөнбей жатқан қозы. Інішекті райынан қалай қайтарамын?
Камал Әбдірахман
Фейсбуктегі парақшасынан