Өз тілін қалай үйреніп, қалай ұмытпай жүрген?

Жастау кезімізде үш жігіт болып ішіп отырғанбыз. (Айран емес әрине)
Қасымдағы екеудің біреуі өзбек, екіншісі кәріс еді. Біраз қызған соң өзбек кәрісті мұқатқысы келді ме, -давай тост айтайық, әркім өз тілінде таза, орысша сөз қоспай айтсын, -деді.
Мынау бәрімізге қызық болды.
-Бастайық, - дедім. Қанша ойланып таза сөйлесем де, ең соңында, - давай сол үшін алып қояйық, деп картопты жардым ғой)
Аналар күлкіден өлді. Екінші өзбек сөйледі. Өзбекше түсінем деп жүрсем де мынаның сөйлегеніне таң қалып, аузым ашылып қалды.
Қанша тырысса да қазақтың ішінде жүрген өзбек қой, бір қазақша, бір орысша қосып ол да сүрінді))
Кезек кәріске келді. Мүдірместен өз тілінде әдемі сөйлеп кетті. Қанша жыл бірге жүрсек те оның кәрісше сөйлегенін көріппіз бе, таңданып отырып тыңдадық. Орысша қоспай бітірді. Ұтылғанның сөзі құрысын дегендей, біз мазақтап күлдік, -Құдай білсін, біз түсінбейміз, шын тост айттың ба, әлде өлең оқыдың ба, я бізді боқтадың ба, - деп тиістік))
Ана байғұс шыр-пыр болып, әр айтқан сөзін бізге аударып әлек))
Сонда деймін-ау, өзі орыс класын оқып, қазақтармен жүріп, өз тілін қалай үйреніп, қалай ұмытпай жүрген?
Қазақ мектебін бітіріп, қазақтармен араласып, қазақшаны біраз адамнан жақсы білем деп жүрген біз, күнделікті қолданысқа орыстың давай, еще, да ну, остановка, магазин сияқты талай сөздерін қоя алмай келеміз.
Ал сіз орыстың қай сөзін көп пайдаланасыз?

facebook.com парақшасынан