Өзің үшін ғана өмір сүру – үлкен қателік.
Өзің үшін ғана өмір сүргенде, сен тек алуды үйренесің. Яғни өзімшілдігіңді суғарасың. Біреудің есебінен өмір сүруге дағдыланасың. Адам тек өз қамын күйттегенде, оның жаны дамуын тоқтатады. Сөйтіп жан әлемі тығырыққа тіреледі.
Қорытындысы – ұсақ мінезді, эгоист, тәкаппар, бақытсыз әлдебіреу болып шыға келесіз.
Біреу үшін өмір сүріп үйреніңіз. Мысалы адам үшін, сұлулық үшін, қоршаған ортаның әдемі үйлесімі үшін... Сол кезде сіздің ойыңыз бен ісіңіз біреуге бір нәрсе беруге, біреуге қол ұшын созуға, біреудің қас-қабағына қарауға, біреуді қуантуға бағытталады.
Ол альтруизмді қалыптастырады. Және біздің жан әлемін шыңдайды.
Сол кезде сіздің өміріңізге бақыт, махаббат, бостандық пен тәуелсіздік, рухтың майырылмайтын қуаты құтты қонақ болып келеді. Және ең бастысы 18 мың ғаламның әміршісі, Құдіреті күштінің мейірімі мен көмегі сізді қоршап жүретін болады.
P.S. Тым құдайшылмын. Өте құдайшылмын. Құдайсыз өмір сүр алмаймын. Құдайсыз қурай сынбайды. Мен өзім ашқан сектадамын. Уайымдамаңыздар!
Мен мысалы жұмыстағы адамдар үшін өмір сүремін. 24 сағатымның кем дегенде 12 сағатын соларға арнаймын. Ойлаймын, мен жұмысқа келмесем, олардың күні не болады, оларға кім езу тартқызады, олар өмір сүруге күшті қайдан алады?- деп.
Өмір сүру оңай емес. Қазір өмір сүрудің өзі - ерлік!
Tanagoz Tolkynkyzy
Фейсбуктегі парақшасынан