Әлдекімдер өздерін "тәңіршіл" атап мәлімдемелер жасап жүр екен. Сөз аңысын бақсам ақырындап христианға емеурін бар. "Тәңір әке" деген "иегова куәгерлерінің" сөзі. Бақсылық сарын да басым. Жалпы кімге бас ұрары белгісіз. Исламға қарсы негізгі айыбы "сауыс сақал сәләфит- уәхабиттер" жамағаты екен. VIII-ғасырдан бастап, XIII ғасырда толық кірген ислам тарихынан ұғымдары жоқ. Кем дегенде 30 атасы құбылаға қаратып жерленгенінен тіптен бейхабар. Себебі "ислам соңғы 20 жылдан бері кіріп жатыр, Араптандырып жатыр бізді" деп байбалам салыпты. Бұлар сақ, ғұн дәуіріндегі нанымын аңсап, сол нанымына оралмақ екен. "Ислам арапқа құл болу" дейді. Шындығында арап әлемін Түркі елі бағындырып "халифат" құрғанын тарихтан хабары барлар біледі. Арапқа Қазақ құл болғанына дәлел жоқ. Сәләф атанған топты алға тартпай ақ қойсын. Мені қатты ойландыратын нәрсе мынау. Олар өлгенде қалай жаназасы шығады? Әйелін, атын, қызметшілерін өлтіріп бірге жерлей ме? Дүние-мүлкі, көлігі де бірге көміледі ғой сонда. Имамы жынмен тілдескен бақсы бола ма? Сақ-ғұн дәуіріндегі ата-баба нанымына бағынса осылай болуы тиіс.
Сагадилда Усибали
Фейсбуктегі парақшасынан