Маска шоуына бес тиін

Маска шоуына бес тиін 
Маска шоуы басталғанда әлемдік шоудың біздің елде өтетініне де қуандық. Кейбір елдерде 2-3 кезеңін өткізіп жатыр. Біздің елде шоу бизнес саласында танымал адамдар қатары аз. Кімдер қатысады екен деген өз болжамдарымыз болды. Бастапқыда маскалардың бет пердесі ашыла бастағанда көбі әншілер болғаны маған ұнамады. Мүлде басқа саланың адамдарын көргім келді.
Бастапқыдан маскалардың бейнесі бойынша Арыстан, Алтын адам, Бүркіт, Арқар ұнады және олардың өнерлеріне де жанкүйер болдым. Ең таң қалдырғаны Арыстан мен Бүркіт болатын және жеңімпаз да осы екеуінің бірі деп ойлағанмын. Финалда осы төрттік қалады деп ойлағанмын. Бүркіттің яғни Амренің Тимур Балымбетовке бергее сұқбатынан кейін бәрі түсінікті болды.
Кешегі финалда расымен Арыстанның Нұрболхан болғаны ерекше эмоция сыйлады. Арыстанның маскасы оның шын мәнінде кім екенін табуға қатты әсер етті. Аң патшасының ішінде Нұрболхан 100% жасырылды. Маска шоуының ережесіне келгенде жеңімпаз болуға әбден лайықты еді.
Арқарға келсек қай масканы болмасын таланты жағынан Ерденнің есімі ең көп аталған әнші болды. Қазылар алқасы да Арқардың сол екенін айқын тапты. Белгілі болғандықтан онша қызықсыз болып қалды. Меніңше талант, әншілік деңгейіне қарай Ерденді жеңімпаз етті деген пікірдемін.
Маска шоуының жалғасы болса әншілерден де өзге талантты өзге сала мандары қатыстырса дұрыс болар еді. Әйтпесе көз алдымызда жүрген әншілерден жалыққан сияқтымыз.
P.s. Шоу жайлы сіздің пікір қандай?