Қойды топырлатып ет комбинатына апарғанда, қой жарықтық өлетінін сезіп, есіктің алдында тыпырлап тұрып алады екен. Сол кезде серкені алға жібере салады. Серке бәрін бастап кіріп, қайта айналып шығып кетеді. Оны көрген қойдың жүрегі орнына түсіп, бірінен кейін бірі серкенің артынан қасапханаға кіре береді, кіре береді. Серке сосын тағы бір топты бастап кіреді. Серкеде кінә жоқ қой. Құдай оны сөйтіп жаратқан, үнемі көштің алдында жүреді. «Козел провокатор» (арандатқыш шыбыш) деген орыстың сөзі де осыдан шығыпты. «Козел провокатор» деп – елді арандатып, осы серке секілді бәленің бәрін бастап жүретіндерді айтады.
Жолымбет Мәкіш
Фейсбуктегі парақшасынан