Бір ағамыз тәуіпке барып:
-Қарыз төлеуден әбден шаршадым, бірін төлесем екіншісіне қарыз боламын. Одан құтылу үшін үшінші біреуден қарыз аламын. Айналайын, ақ әулие, маған бір бал ашып бер, кедейшіліктен құтылатын күнім болар ма екен? - депті.
-Құтыласың, елуге келгенше шыда- депті әулие.
Қуанып кеткен ағамыз:
-Елуге дейін шыдасам байып кетемін бе? - деп сұрайды.
-Жоға, елуден кейін етің үйреніп кетеді да...- деген екен әулиесі)))
Қарапайым қазақтың қарыз емесі жоқ-ау қазір. Кедей байға, бай үкіметке, үкімет шет елге қарыз. Әбден етіміз өліп кетті. "Айналайын, өкімет өзегіңді талдырмайды"-деп отырушы еді бір апамыз. Сол айтқандай өзек жалғарымыз бар әйтеуір. Тәуелсіздігімізге елу жыл толғанша етіміз үйреніп кетер, мүмкін. Шыда, халқым, шыда!)
Дегенмен "жақсы сөз жарым ырыс". Ақшаларыңыз көп болсын.
Кульшан Нурбекова
Фейсбуктегі парақшасынан