Бүйректен сирақ шығарудың қажеті жоқ. Алланың сөзі айқын! Құранда 12 ай деген.
Ай күнтізбесі табиғи құбылыстар мен заңдылықтар бойынша жүреді. Ал қазақ еш уақытта табиғатқа кереғар әрекет етпеген. «Ай» деп атын қойған соң, айға қарап күн санаған.
Қайтыс болғандардың жасын да соңғы сапарға осы ай күнтізбесі бойынша санап, шығарып саламыз.
Оразамызды да осы айға қарап тұтамыз. Қажылығымызды да осы айға қарап өтейміз.
Осы айды көріп:
«Ай көрдім, аман көрдім,
Баяғыдай заман көрдім,
Ескі айда есіркедің,
Жаңа айда жарылқа», – деп батаменен қарсы алып, дұғаменен шығарып саламыз.
«Алланың көктер мен жерді жаратқан күні жазған үкімі (орнатқан заңдылығы) бойынша айлардың саны – он екі, олардың төртеуі – харам айлар. Міне, (адамзаттың игілігі үшін) ең дұрыс әрі мінсіз жүйе – осы. Ендеше, бұл айларда (яғни, қасиетті айларды құрмет тұтпай немесе орнын ауыстыру арқылы) өз-өздеріңе қиянат жасамаңдар» (Құран Кәрім: «Тәубе» сүресі, 36-аят).
Салтан Сайранұлы
Фейсбуктегі парақшасынан