Біздің елде ғылым саласына ешқандай да көңіл бөлінбеген, құрмет те жоқ. Құрмет пен барлық қошемет қазір әншілер мен блогерлер еншілеген заман болды ғой.
Олай дейтін себебім, бір досым докторантураға өз еңбегімен, өз күшімен түсіп, үш жыл бойы көз майын тауысып, қаншама ұйқысыз түндерін сарп етіп бітірді. Қаншама еңбек жазды, оны ағылшын тіліне аударып, ең соңында докторлық қорғады.
Сосын не болды дейсіздер ғой.
Медицина ғылымдарының докторлық атағы белгіленген куәлігін алуға басқа облыстан Астанаға барады. Ойы: менің соншалықты еңбегімді бағалап, салтанатты табыс етер деген үміті желге ұшып, бір терезеден аты жөнін сұрап алып, куәлігін бере салыпты.
Ал егер соның орнында әнші немесе миллиондаған подписчигі бар блогер болса не істер еді. Оған арнайы адамдар келіп, салтанатты түрде табыстап, селфи жасалып, бірнеше адам пост жазып, дүркіретіп табыстар еді.
Міне осыдан ақ біздің елде ғылымға емес, арзан хайпқа қатты көңіл бөлінгенін білуге болар еді.
Ал ғылым дамымай, өркениеттің, елдің дамымайтынын білмейді ма екен деген ойға келесің.
Ғылым дамымай біз ешқашан алға баспаймыз ағайын.
Әділбек Нұрымбет
Фейсбуктегі парақшасынан