ҰЛЖАННЫҢ ДАНАЛЫҒЫ БІЗГЕ ҮЛГІ «Әке тұрып ұл сөйлегеннен без, шеше тұрып қыз сөйлегеннен без» дегендей бүгінгі күнде әке қадірі, әке беделі қоғамда дұрыс бағытталып жүр ме деген ойда қаламын кейде. Неге дейсіз бе? Себебі, әкені жуас, өз ойы жоқ етіп көрсететін әзіл бағдарламаларында әке рөлі өінішке орай айбынды емес керісінше жаңа айтқандай жасық етіп көрсетіледі біздің бір отандық арнада... Ал, сондай бағдарламаларды көріп өскен балалар әке бейнесін солай бағалап, әке беделінін қаншалықты зор екенін түсінбей жатады. Көпке топырақ шашудан аулақпын. Дегенмен де өз басым сондай оқиғаларды көргеннен кейін қоғамда әке беделі әлі де дұрыс дәріптелмей жүр деген ой түйдім. «Абай жолы» эпопеясына үнілсек.... Міне, сол туындыда Абайдың туған үйіне оқуынан демалысқа келген кезінде амандасайын деп бірден анасы Ұлжан жаққа жүгіреді. Бірақ, қаншама ай баласын көрмеген абзал ана Ұлжан «Абай, бірінші әкеңмен амандас» деп Абайды әкесіне беттеді. Осылайша, Абай әкесімен амандасып, кейін барлық жақындарымен хал сұрасады. Міне, осы көріністің өзінде Ұлжанның даналығын көреміз. Азаматын сыйлаған Ұлжан Абайға осылайша әке қадірін ұқтырды деп ойлаймын. Міне, әкені сыйлау үшін осындай қарапайым ғана дүниелерден бастау керек. Ал, біз осы даналықты Ұлжаннан үйренсек жаман болмаспыз.
Назгуль Макжан
Фейсбуктегі парақшасынан