Футбол туралы әлемдегі ең танымал паблик қазақстандық спортшының трюк жасаған видеосын жариялады, - деп хабарлайды Alashainasy.kz. Бұл туралы ҚазАқпарат тілшісі Meta-ratings.kz-ке сілтеме жасап жазды.
Instagram-дағы @433 паблигіне 64,4 млн адам жазылған.
Қазақстандық футболшы Әлішер Келгенбай матч барысында гол соққаннан кейін, қуаныштан қақпаның белтеміріне шығып, артқа қарай сальто жасайды. Ойын Алматыда медиялық футбол лигасы аясында өткен.
Видео @433 паблигінде жарияланып, тұсына: «Үй жағдайында мұны қайталамауға тырысыңыз», - деп жазылған.
Қазіргі уақытта видео 2,8 млн астам қаралым жинап, оған 230 мыңға жуық лайк басылған.