Шымкентте 109 адам грант қаражатын мемлекетке қайтарады
Былтыр Шымкентте 142 азамат қайтарымсыз грантты мақсатсыз пайдаланғаны анықталып, оның 136-сы сотқа жолданған болатын, - деп хабарлайды Alashainasy.kz тілшісі Оtyrar.kz-ке сілтеме жасап.
Жан – жақты тексеріс жүргізу барысында 109 адамға қаржыны қайтару туралы сот үкімі шықты.
Қазірге дейін 5 тұрғын қомақты қаржыны өз еркімен мемлекетке қайтарып үлгерді. Ал 3 тұрғын грантты алудан өздері бас тартқан.
ЖҰЛДЫЗ БАЛТАБАЕВА, Шымкент қаласы еңбек мобильді орталығы директорының орынбасары:
– Дәлелдемесі болмаған жағдайда қаражаты мемлекетке қайта қайтарылады. Мұндай жағдайлар бізде болды. Өздерінің шоттары жабық болғанын біліп, қарап, өз еркімен қаражатты қайтарғандар болады. Сотқа беріліп, қайтарылмаған деген жағдай болмады. Тұрғынның жағдайы келмесе 12 айға бөліп, біртіндеп төлеуге мүмкіндік жасалады.
