«Кеңқияқ-Құмкөл» мұнай желісі ашылды

«ҚазҚұрылысҚызмет» компаниясы «Кеңқияқ-Құмкөл» мұнай желісінің құрылысын мерзімінен бұрын тәмамдады. Кеше Ақтөбе облысындағы Кеңқияқ кентінде «Қазақстан-Қытай» мұнай желісінің екінші бөлігі – «Кеңқияқ-Құмкөл» іске қосылды.
Мұнайды тұңғыш рет желі ар­қы­лы жіберу рәсіміне тапсырыс бе­руші өкіл­дері – «Қазақстан-Қытай құбыр же­лісі» ЖШС, «ҚазҚұрылысҚызмет» АҚ және мұнай операторы «Қаз­ТрансОйл», cондай-ақ Қытайдан ар­­н­а­­­йы келген қонақтар қатысты.
Осы жобаны жүзеге асыруға «Қаз­ҚұрылысҚызмет» пен қосалқы мер­ді­гер­лік мекемелерден 2500 жұмысшы қатысқан. Ком­па­ния Ақ­тө­бе мен Қызылорда облыс­та­ры­нан кел­ген 200-ден астам ма­ман­ды жұ­мыс­пен қамтамасыз етті.
Мұнай желісінің толық құрылысы 2008 жылы мамыр айында бастал­ған еді. Келісімшартына сәйкес, құ­ры­лыс 2009 жылдың тамызында аяқ­талуы тиіс болатын. Алайда жұ­мыс мерзімінен бұрын бітіп кетті.
«Кеңқияқ-Құмкөл»  мұнай же­лі­сі­нің ұзындығы – 793 шақырым, құ­быр диаметрі – 813 мм. Бастапқы ке­зеңде мұнай желісі арқылы 10 млн тон­на жылына мұнай жіберілмек. Ке­лесі жылғы меже – 20 млн тонна. Ре­с­урстық база ретінде Ақтөбе об­лысы мен Батыс Қазақстан ке­ніш­те­рінде өндірілген «қара алтынды» пай­далану көзделді.
Жобаны жүзеге асыру бүкіл мұ­най саласына үлкен әсерін ти­гі­зіп, жаңа мүмкіндіктерге жол аша­ды. Эко­но­ми­ка­лық жағынан тиім­ділігі де дау ту­дыр­майды: «Қаз­Мұ­най­Газ­дың» бол­жамы бойынша, тек «Кең­қияқ-Құм­көл» аумағы ғана 2010-2020 жыл­да­ры елімізге 60 млрд тең­ге кө­ле­­мін­де салық табысын әке­ле­ді.