Балдырғандар қиялы – ақ қағазда

Әдетте психологтер 3 жас­тан асқан балалар өзі туралы және қорша­ған ортаны қалай түсіне­тін­ін сурет салу арқы­лы жеткізетінін айтады. Осындай бір топ бүлдіршіннің қия­лынан қағаз бетіне түскен суретте­ріне «ҚазМұнайГаз» Барлау Өндіру» акцио­нер­лік қоғамы шығармашы­лық бай­қау жариялады. Өздерінің асқақ арманын қылқалам арқылы жеткіз­ген байқау жеңім­паздары Астанаға саяхаттау мүмкіндігіне ие болды.

Шара, Балаларды қорғау күніне орай, еліміздегі мұнай саласында еңбек ететін қыз­меткерлердің балдырғандарына қол­дау көр­сету мақсатында ұйымдастырылып отыр. «Су­рет сайысына 7 және 14 жас ара­лы­ғындағы бал­дырғандар қатысып отыр. Жас суретшілерге қойылған басты талап – олар «Менің арманым», «Мен және ме­нің отбасым» деген тақырыптарға өздері­нің туындыларын ата-анасының көмегін­сіз салып, бізге жолдауы керек. Үздік деп та­нылған туындылардың иелеріне компа­ния аты­нан арнайы диплом мен кәдесыйлар үлесті­ріледі. Ең бастысы, еліміздің жү­ре­гі – Астананы көруге, көрікті орындарын аралауға мүмкіндік жасап отырмыз. Бай­қаудың мақсаты – жас буын­ды патриот­тық­қа баулу, өз елі үшін мақта­ныш сезімін қалыптастыру, отбасылық құнды­лық­тарға және ұлттық бірлікке баулып тәрбие­леу. Балалардың шығармашылық әлеуетін одан әрі дамытуға жәрдемдесетін осындай бай­қау­ларды жыл сайын өткізуді дәстүрлі шараға ай­налдырсақ деген ойымыз бар», – дейді «Қаз­МұнайГаз» Барлау Өндіру» акционерлік қоға­мы­ның құқықтық мәсе­лелер жөніндегі басқару­шы директоры Мә­лік Сәулебай. Осылайша атал­ған ком­панияның орталық аппаратында еліміздің Жаңаөзен, Ақтау, Атырау, Қызылорда қа­ла­ларынан келген үздік суретшілер мара­пат­талды. Шарапатты шараға 2005 және 2007 жылдардағы әлем чемпионы, 2012 жылғы Олим­пиада чемпионы, ҚР еңбек сі­ңірген спорт шебері Серік Сәпиев, «Бала­пан» телеарнасының бас директоры Ләйла Сұлтанқызы қатысып, кіш­кентай жүректер­дің қуаныштарымен бөлісті.
Ләйла Сұлтанқызы, «Балапан» телеарнасының бас директоры:
– Сөздің шыны керек, соңғы кездері от­басылық құндылықтарды өз деңгейін­де бағалай алмай жатамыз. Қазір ата-ана­лардың көбі тұрмыс қамымен жұ­мысбас­ты болып жүр. Соның салдары­нан балғындардың көкейінде қандай тілектері, армандары бар, ол жағына үңі­луге уақыт мұрша бермей жатады. Кез келген бала көкейіндегісін, арманын сурет салу арқылы жеткізеді. Неге десе­ңіз, кішкене баланың өз ойын жеткізу үш­ін тіл байлығы жетпеуі мүмкін. Сон­дық­тан олар арманын ақ қағазға түсі­рер­де міндетті түрде отбасымен, зәу­лім қалалармен байланыс­ты­ра­ды. Яғни бала өзінің арманын, мақ­сат-мүдде­сін қағазға түсіре отырып, пси­хо­логиялық тұр­ғы­дан отбасы құндылықтарын өзін­ше түйсіне алады. Өкініштісі сол, кейде олар салған суреттер еленбей қа­ла­ды. Осы жағынан келгенде, «Ме­нің арманым», «Мен және менің отбасым» се­кіл­ді шы­ғар­ма­шылық байқау­ларды ұйым­дас­ты­ру­дың маңызы зор.
«ҚазМұнайГаз» Барлау Өн­діру» АҚ ком­паниялар тобы қыз­меткерлерінің 7 жә­не 9, 10 және 12, 13 және 14 жас ара­лы­­ғындағы балғындар қатыс­қан байқау­да әр жас санаты бойынша үш жүлделі орын бел­гіленген. Жеңімпаздар естелік сый­лықтармен марапатталды. Байқаудың басты сыйлығы – Астана қаласына саяхат. Қазы­лар алқасына Астана қаласы Сурет­шілер одағының төрағасы Қоңыр Мұхамедиев жетекшілік етті. Оның айтуынша, жеңімпаз­дарды анықтау барысында ко­миссия мүшелері балалардың тақырыпты ашу шеберлігіне, су­ретті безендіру талғамына, жұ­мыстың талаптарына сәйкес орындалуына баса назар ауда­рыл­ды. Нәтижесінде, 7 мен 9 жас аралығындағы қатысу­шы­лар арасында жүлделі 1-орын­ды ата-анасы «Өзенмұнай­газ» АҚ-ында қызмет істейтін 7 жа­сар Ма­хаб­бат Жеңісқызы же­ңіп ал­ды. Сондай-ақ қа­зылар алқа­сы Жаңаөзен қаласынан келген Ера­сыл Рах­ме­тов пен ата-анасы «Ембімұнайгаз» АҚ-ында қыз­мет істейтін Реджепмұрат Рамазанов салған туын­­ды­ларды үздік деп таныстырды.
Махаббат Жеңісқызы, байқау жеңімпазы:
– Мен байқауда жеңімпаз атанып, Астана қа­ла­сына жолдама алдым. Көптен бері Астанаға барып, әсем қаланы араласам деп армандайтын едім. Тілегім орындалды. Өзімнің шығармамда отбасымды салдым. Болашақта дәрігер болуды армандаймын. Өйткені олар ауырған адам­дарды емдейді.
Реджепмұрат Рамазанов, байқау жеңімпазы:
– Мен өз туындымда, ең алдымен, алып спорт алаңын салдым. Өскенде Қазақстанның атын әлемге танытатын күрескер спортшы бол­ғым келеді. Бүгінгі күні Серік Сәпиев ағамыздың қолынан диплом алып, өте қуанышты күйде тұрмын.
Ал 10 және 12 жас санаты бойынша «Ембі­мұ­найгаз» АҚ қызметкерінің қызы Жадыра Қуа­нышова жеңімпаз атанды. Атыраулық бүлдіршін туындысында өз қиялын Астанамен байланыс­тыр­ған. Бұдан бөлек, Ақтау қаласынан келген Ақпанай Метерованың, маңғыстаулық Қалбек Садуақасованың шығармалары таңдаулылар қатарынан көрінді. Сондай-ақ 13 және 14 жас­та­ғы қатысушылар арасынан үздік суретті жол­да­ған маңғыстаулық Әйгерім Дүйсембай бол­ды. Жүлделі 2-орынды– Ақтау қаласынан кел­ген Арайлым Жұмабаева, 3-орынды Жаңа­өзен­нен келген Толқын Рахметова ие­ленді.
Байқауға қатысушылардың өнерін баға­лаған қазылар алқасы жүлделі орындардан бөлек, ерекше қызығушылық тудырған бір­неше суреттерді айрықша атап өтіп, бұл балалардың да Астана қаласына саяхаттап келуі туралы ше­шім қабылдапты. Атап айт­қанда, 9 жасар Дил­наз Мадениетова, 7 жасар Айдана Айдын, Қы­зылорда қаласынан келген Камила Сапиева, 6 жасар Полина Пан, 11 жастағы Балнұр Жайдарбек.
Мәлік Сәулебай, «ҚазМұнайГаз» БӨ» АҚ құқықтық мәселелер жөніндегі басқарушы директоры:
– Байқауда мұнайлы өңірлерден келген 130-дан астам бала бақ сынады. Былтыр қаты­су­шылардың саны 50-ден аспаған еді. Балалар салған суреттерден еліне, жеріне, ата-анасына деген ыстық махаббатты, асқақ армандарды көрдік. Араларынан үлкен азамат, атақты мұ­найшы, атақты суретші, басқа да маман иелері шығады деген үміттеміз. Өнерпаз балғындарды Астана қаласының көркі шабыттандырады де­ген мақсатпен елордаға жинадық. Бұдан бы­лай да компания тарапынан дарынды балаларға тұрақты түрде қолдау көрсетіліп тұратын болады.