Зергерлік өнердің халықаралық көрмесі өтеді

Астанада зергерлік бұйымдардың «Ару Астана – 2013» халықаралық көрмесі өтеді. Көрмеге Ресей, Украина, Қырғызстан және Түркия елдерінен мамандар мен сатып алушылар келгелі отыр.
Астана қаласы әкімдігі ресми сайтының хабарлауынша, халықаралық көрме «Көрме» орталығында қарашаның 7-10-ы аралығында қойылады. Мұнда алтыннан, күмістен жасалған, бағалы және жартылай бағалы тастармен әшекейленген бұйымдар, бижутерия, кәдесый­лар, зергердің қолынан шыққан асхана ыдыс­тары, фурнитура, аксессуарлар, қобдишалар, зергерлік бұйымдарды экспозициялауға және сатуға, сақтауға арналған қондырғылар мен қораптарды тамашалауға болады. «Ару Астана» көрмесіне жыл сайын 12 мыңнан астам адам, соның ішінде Қазақстанның түрлі аймақтарынан, сондай-ақ ТМД елдерінен көтерме сатып алу­шы­лар мен зергерлік өнер саласының маман­дары келеді. Бұл күндері көрме орталығында  Beauty World жәрмеңкесі де қатар өтеді, бұл – бейнелі ойын-сауық шарасы, іскерлік кездесу­лер орны, сұлулық пен сән индустриясы маман­дарының кәсіби тәжірибе алмасуы, қарапайым сатушылармен, сән мен сұлулыққа, стильге мүд­делі адамдармен кездесу алаңы.