Жаңажылдық бата

Жылқы жылы мейірлі болсын,
Анамыздай пейілді болсын.
Еліміз берекелі болсын,
Әр күні мерекелі болсын.
Жеріміз жемісті болсын,
Келбетіміз келісті болсын.
Шекарамыз берік болсын,
Сәттілік қана серік болсын.
Жүзіміз ашық болсын,
Көрген жан ғашық болсын.
Ұлдарымыз намысты болсын,
Қырандай алысты көрсін.
Қыздарымыз ибалы болсын,
Ғылым-білім жиғаны болсын.
Ата-салтымыз сақтаулы болсын,
Намысымыз оқтаулы болсын.
Ақындарымыз арынды болсын,
Жырлары жалынды болсын.
Жазушыларымыз қарымды болсын,
Барлығы дарынды болсын.
Спортшыларымыз білекті болсын,
Арыстандай жүректі болсын.
Соттарымыз әділ болсын,
Үкімдері кәміл болсын.
Әкімдеріміз сенімді болсын,
Істері өнімді болсын.
Қазақта ауызбірлік болсын,
Берекелі тірлік болсын.
Елбасымыз аман болсын,
Тыныш заман болсын!