ҚҰБЫЛА САҒАТЫ ЖӘНЕ ҚҰБЫЛА КҮНІ ДЕГЕН НЕ?
Құбыла сағаты – құбыланы күн арқылы анықтауға болатын уақыт. Яғни, күннің біз тұрған жердің құбыла жағына келетін уақыты. Қазақстан, Түркия, Еуропа және Африка елдері мен түркі тілдес елдерде, Австралияның Перт қаласында, қаланың сол күнгі құбыла сағаты уақытында күнге бет бұрған адам құбылаға қараған болады.
Құбыла сағаты намаз уақыттары тәрізді күн сайын өзгеріп тұрады.
Құбыла сағаттары тек аталған қалаға ғана қатысты.
Қандай да бір жердің құбыласы іс жүзінде былай анықталады:
Сол күннің күнтізбесінде жергілікті намаз уақыттары берілген кестенің соңғы бағанындағы «Құбыла сағаты» уақытында күн тұрған жаққа бұрылған адам құбылаға бет бұрған болады.
Жабық жерде болса, мәселен, күн түсетін терезенің тік жақтауының жерге түскен көлеңкесі құбыла бағытын көрсетеді. Сол бағыт белгіленіп, осылайша ең оңай, әрі ең дұрыс үлгіде құбыла бағыты анықталады.
Әлемдік құбыла күндері: Жер Күнді айналып жүргенде 28 мамыр мен 16 шілде аралығында Күннің еңкеюі (21 градус 26 минут) мен Қағбаның тұрған жері (21 градус 26 минут) тура келеді және Күн Қағба Муаззаманың дәл үстінде тұрады.
Әлемнің әртүрлі елдерінде жергілікті уақытқа сәйкес құбыла сағаттары өзгеріп отырғанымен, күндер өзгермейтіндіктен осы күндері, яғни 28 мамыр мен 16 шілде күндері Әлемдік құбыла күндері деп аталады.
