Сұрақ: Өлім-жітімде дауыс көтеріп жылауға бола ма?
Жауап: Әбу Ханифа (р.а.) мәзһабында қайтыс болған кісіні жоқтап, өкiрiп жылау – харам, қатты дауыс көтермей жылауға болады.
Мәйіттің бар жақсылығын санамалап, өксіп, бетiн тырнап, киiмiн жыртып, немесе шашын жұлып шариғатқа қайшы сөздер айтып жылауға болмайды. Өйткенi Пайғамбарымыз (с.ғ.с) имам әл-Бухари мен Муслим (р.а.) риуаят еткен хадис шәріпiнде:
“Бiреу қайтыс болғанда бетiн ұрғылап, тырнап, үстiндегi киiмiн жыртып және надандарша айқайлап жылаған адам бiзден емес”, – деген.