Бес уақыт намаз оқитын мұсылман мен радикалды исламофобтың арасындағы таңғажайып достық оқиғасы мейірім мен адамгершілік арқылы кез келген түсініспеушілікті жеңуге болатынын дәлелдейді.
Сириялық Хеваль Келли бала күнінде өз отбасымен бірге босқын ретінде АҚШ-қа табан тіреген. Өскесін дәрігер мамандығын алып, АҚШ-тағы белгілі кардиологқа айналады. Бала күнінен бес уақыт намаз оқитын ол Құдайға сенген мұсылман. Ал Джордия штатының тумасы Крис Бакли аз қамтылған отбасында өсті. Әйгілі 11 қыркүйек оқиғасынан кейін әскерге алынып, Ауғанстанда 3 жыл борышын өтейді. Елге келген соң нашақорлыққа салынып, кейін нәсілшіл ұйымға мүше болып, ұлттық және діни азшылық өкілдеріне қарсы жеккөршулік көзқарасын насихаттай бастайды. Кристің жұбайы оның ұстанған көзқарасына қатты алаңдап, ксенофобиямен күрес белсендісі Арно Микаэлистен көмек сұрайды. Нәтижесінде ол Баклидің отбасын Хеваль Келлимен таныстырады. Бір қызығы, исламофоб пен мұсылман әп дегеннен сөздері жарасып, достасып кетті. Уақыт өте келе бір-бірін бауырым деп атайтын нағыз достарға айналды. Әрине, Крис Бакли өзінің бұрынғы көзқарасын өзгертті. “Ол менің бауырым, – дейді 39 жастағы жігіт. – Біз түрлі мәселеде сөз таластыруымыз мүмкін, бірақ ол достығымызға сызат түсірмейді”.