Моншада жалаңаш жүру күнә ма?

Кейбір мұсылман бауырлар: «теңіз жағажайында, моншаларда «бәріміз еркекпіз немесе бәріміз әйелміз ғой» деп ерлер ерлердің арасында, әйелдер әйелдердің арасында іш киіммен немесе жалаңаш жүре береді, осы күнә емес пе?» деп сұрақ қойып жатады. Бүгінгі мақаламызда осыған тоқталғанды жөн санадық.
Негізі Ханафи және Шафии мазһабында еркектің әурет жерi кiндiк пен тізенің арасы. Малики және Ханбелиде тек қана қопал мүшелері, яғни тек алдыңғы және артқы мүшелері әурет болады. Әйелдердің өз араларындағы әурет мүшелері еркектердегі сияқты. Яғни кіндікпен тізенің арасы. Мұсылман әйелдің кәпір және фасық әйелдерге, дінсіз болған әке-шешенің аға-інілерінің жанында оранулары үш мазһабта парыз. Ханбели мазһабында жаиз. Ханбели мазһабының өзгеше тұстары мыналар:
Еректердің бір-біріне болған әурет мүшесі тек қопал мүшелері, яғни алғы және артқы мүшелері. Әйелдердің бір-біріне болған әурет мүшелері басқа мазһабтардағыдай тіземен кіндіктің арасы. Бірақ басқа мазһабтардан өзгешелігі мұсылман емес әйелдерге де тіземен кіндігінен басқа жерлерін көрсетуі жаиз. Басқа үш мазһабта жаиз емес. Зәру (машақат, мәжбүр) жағдайларда оранған әйел Ханбели мазһабын тақлид етіп (Ханбели мазһабының үкіміне ұйып) оранбаған әйелдердің жанында басын-қолын ашып жүре алады.
Әурет жерін ашу немесе өзгенің әурет жеріне қарау үлкен күнә. Хауызға, моншаға және теңізге шомылатын адамның тізесімен кіндігінің арасын және тізесін жабуы парыз болып табылады. Хадис шәрифтерде былай делінеді:
«Еркектің кіндікпен тізесінің арасы әурет.» (Әбу Дауд)
«Сандар әурет болып саналады.» (Бұхари, Әбу Дауд, Тирмизи)
«Үйлердің ең жаманы монша. Онда дауыстар көтеріледі, әуреттер ашылады. Ем үшін немесе кірден тазалану үшін кірген адам жабынып кірсін.» (Табарани)
«Алла тағалаға және ахыретке сенетін адам моншаға әурет жерлерін жабынып кірсін!» (Нәсаи)
«Әурет жерін ашқан адамға және өзгелердің әурет жеріне қараған адамға Алла лағынет етсін!» (Бәйһақи)
«Дін бауырының әурет жеріне әдейілеп қараған адамның қырық түндік намазы қабыл болмайды.» (Ибн Асакир)
Үйде ешкім жоқ кезде де жалаңаш жүру күнә. Хадис шәрифтерде былай делінеді:
«Жалғыз кездеріңде де әурет жерлеріңді ашпаңдар! Өйткені жандарыңнан еш айрылмайтын (қорғаушы періштелер)бар. Олардан ұялыңдар және оларға құрмет етіңдер.» (Әшиатул-ләмәат)
«Әурет жерлеріңді жабыңдар! Жалғыз кездеріңде де Алла тағаладан ұялыңдар!» (Тирмизи)
«Алла тағала ұяттылықты және жабынуды жақсы көреді. Олай болса жуынғанда әурет жерлеріңді жабыңдар.» (Әбу Дауд)
«Түнде ғұсыл алғанда әурет жерлеріңді ашудан сақтаныңдар. Егер кімде-кім сақтанбай, онда жындылықтың белгілері көрінсе, өзінен басқаны кінәламасын». (Хаким)
Оранған әйелге де шәһуатпен қарау күнә болады. Әйелдің еркекке қарауы да күнә. Умму Сәләмә анамыз айтады: Расулуллаһтың жанында болған кезімізде екі көзі де көрмейтін Ибни Умми Мәктум рұқсат сұрап ішке кірді. Расулуллаһ бізге «Ішке кіріңдер» деп бұйырды. «Ол көр емес пе, бізді көрмейді ғой» дедім.«Ол сендерді көрмегенімен, сендер оны көрмейсіңдер ме?» деді. (Тирмизи, Әбу Дауд).
www.islamdini.kz