1. Ескі, қолданысқа жарамайтын исламдық кітаптарды былай істеуге болады:
Бояуы кеткенше ағын суға салып қою керек. Бірақ, бұл суда еритін сиямен жазылған кітаптарға ғана жарайтын әдіс. Кітап немесе журнал суда ерімейтін сиямен жазылған болса, онда оларды бекерден-бекерге суға салудың қажеті жоқ. Өйткені, суда балшық пен лас нәрселер болуы мүмкін.
Кітаптан Алланың есімдері мен сипаттарын, періштелер мен пайғамбарлардың аттарын өшіру керек, сонда оны өртей беруге болады[1].
Кітапты таза матаға орап, балшық пен лас нәрселер түспейтін таза жерге көму керек. Ең абзал әдіс осы.
2. Құранның ескі көшірмесін былай пайдаға асыруға болады:
Оны бояуы кеткенше ағын суға қойып қою керек. Алайда, бірінші тармақты қараңыз.
Оны таза матаға орап, балшық пен лас нәрселер тимейтін жерге көму керек. Құранның көшірмесінің үстіне ағаш тақтайша немесе тас қою қажет. Себебі, бірден үстіне топырақ немесе құм төге салсаң, Құранды құрметтемегенің болады.
Оны жай матаға орап, бүлінбейтін, шаң баспайтын таза жерге қоюға болады.
Өртеп жіберуге болады. Бірақ, әуелі ондағы Алланың есімдері мен сипаттарын, пайғамбарлар мен періштелердің аттарын өшіру керек[2]. Жоғарыда аталғандардың бәрін орындау қиынға соқса, осы әдіске жүгінуге болады.
«Кітапты әуелі ұсақтап, содан кейін көмуге бола ма?» - деп сұрадыңыз. Оны бәрібір көметіндіктен, ұсақтамай-ақ сол күйінде көмген жөн.
Ал, ең дұрысы Аллаға мәлім.