Алланың атын жамылып емшілікпен айналысқан, аруақтармен емдейміз деп мола-моланы аралаған кейбір топтардың әрекеттері көпшіліктің есінде болар. Осыдан бірер жыл бұрын «Ата жол», «Алля-аят» секілді дін атын жамылған осындай құрылымдардың теріс әрекеттері әшекере болып, оларға заңмен тыйым салынған еді.
Соған қарамастан, жоғарыда аталған құрылымдардың бірлі-жарым мүшелері басқа атаумен және жеке-дара әрекетте істерін әлі де жалғастырып жүргенге ұқсайды. Олай дейтініміз, қабылдау орындарына Құран кітабы мен қамшы іліп қойып, қабылдауға келгендерге «жыр-толғау» тиегін ағытатын емшілер Екібастұзда жетерлік. Көпшілігі халықтың сенімін жаулап, қаржы табу мақсатында массаж емін де жасай береді. Бірақ массаждың өзі медицинада түр-түрге бөлінеді емес пе? Және оны бейберекет қабылдау кейбір науқастар үшін аса зиян. Сол себепті көпшіліктің емші-домшыға абайлап барғаны абзал.
Дамир СИРАЗИДИМОВ, Екібастұз қалалық ішкі істер басқармасының басшысы, полиция полковнигі:
–Құқыққорғаушылар дәстүрлі емес медициналық қызмет ұсынатын тұлғалардың жарнама, хабарландыруларын да ұдайы тексеріп отырады. 2014 жылғы 30 мамырда өткен кезекті тексеріс кезінде Екібастұ қаласының 8 Юго-Западный өтпесі, 24 мекенжайында «Ата жол» бүркеншік діни құрылымының заңсыз қызмет ету фактісі анықталды. Қазір ол жерден алынған әдебиеттер мен құрылым жұмысы тексерілу үстінде.
Емшіге алданып қалмаңыз
Читайте также
Діни кітаптарды кез келген орында сатуға рұқсат жоқ
Қазақстан мұсылмандары діни басқармасының төрағасы, Бас мүфти Ержан қажы МАЛҒАЖЫҰЛЫ хазреттің қасиетті Рамазан айына байланысты халыққа үндеуі
Оразада сәресіне ұйықтап қалған адам не істейді?
Тамырдан екпе салдыру оразаны бұза ма?
Аузы берік адам өзен-көлге түссе бола ма?
Рамазан айында төсек қатынасына түсуге бола ма?
Последние статьи автора