Данияда енді Құранды, Тора мен Библияны өртеуге болмайды. Бұған заңмен тыйым салынады. Бағынбағандарға айыппұл қарастырылған немесе олар 2 жылға дейін бас бостандығынан айырылады, - деп хабарлайды Alashainasy.kz тілшісі 24.kz-ке сілтеме жасап.
Тиісті заңның қабылдануы бекер емес. Өйткені кейінгі уақытта елде көпшіліктің көзінше Құранды қорлау деректері жиілеп кеткен. Бұл әрекет мұсылман елдерінің наразылығын тудырды.
Мұндай жөнсіз әрекеттерге заңмен тыйым салу керектігі туралы пікірлер жиі айтыла бастады. Бірақ оппозициялық партиялар ол сөз бостандығын шектейтінін алға тартып келеді.
Даниядан бөлек Швеция мен Нидерландта да қасиетті кітаптарды қорлау жайттары тіркелді.
Соңғы сағатта көп оқылған жаңалықтар осында Massaget.kz