Қанат Әлжаппаров мектепте қандай оқушы болды? Сыныпта нешінші атаман еді? Тәртібі мен сабақ үлгерімі туралы әзілкештің мұғалімі, сыныптастары айтып берді. Достарының айтуынша, Әлжаппаров жаны жомарт жан. Ауылына еткен еңбегі зор.
Бұл туралы "Қызық Live" бағдарламасында айтылды.
Қанат Әлжаппаров өзінің мектепте төмен баға алғанын мойындайды. Тіпті дене шынықтыру пәнінен 4 деген баға алған. Сынып жетекшісі мен сыныптары Қанат Әлжаппаровтың бұл сөздерін растады.
"Мен өзім мектепте жақсы оқыған жоқпын. 2-ден жоғары, 3-ке жетпейтін орташа деңгейде. Басқалардан көшіретінмін. Көшірмесем, әлі мектепте оқып жүрер ем ғой. Ол барлық оқушының басында болатын шығар. Мен тек дене шынықтырудан "4" деген баға алғанмын. Қалған сабақтардан "3" деген баға алғанмын", - деді әзілкеш.
Айтуынша, сыныбында екінші әлде үшінші атаман болған.
"Көп адамнан қорқатын едім ғой. Біраз адамнан кейін болған шығармын. Екінші ме, үшінші атаман болған шығармын", - деді өзі.
Адами кемшілігім - арақ ішетінім: Қанат Әлжаппаров отбасы, қызықты оқиғалары, қателіктері туралы айтты
Қанат Әлжаппаров: Саяси әзілдерімді қиып тастайды, сондықтан арзан әзілдер айтып жүрмін
Оның бұл сөзіне сынып жетекшісі Рысгүл апайы жауап берді.
"Қанат мектепте орташа оқыды. Тәртібі бұзықтау болды. Бірақ мектепте өтетін іс-шара, байқауларға белсенді қатысушы еді. "Жігіт сұлтаны" деген секілді байқауларға қатысып жүретін. Әзілге жақын еді. Сыныбында бірінші атаман болды. Себебі, бұзықтау бала еді", - деді Рысгүл ағанбетова.
"Қанат мектепте 3 деген бағаға оқыды. Жақсы деп айта алмаймыз. Еңбек сабағынан 5 алатын. Сосын әдебиет сабағын, ауызша сабақтарға жақсы болды. Газет оқитын. Содан ба деп ойламын. Кіші сыныптарда мен бірінші атаман едім. Кейін Қанаттың бойы тез өсіп кетті де, екеуміз бір апта төбелестік. Солай Қанат бірінші атаман болып кетті. Мектепте Қанатты "Жынды Қанат" дейтінбіз. Кейін ғой Ақ Қанат атанғаны", - деді сыныптасы Руслан.
Сыныптастарының айтуынша, Қанат ауылдың құрметті азаматы. Бүгінгінің сал-серісі. Сондықтан ауылында кішіден үлкенге дейін тік тұрып қызмет етеді.
"Қанат өзі жаны жомарт жан. Қолындағысын аямайды. Бәрімен тең сөйлеседі. Қарапайым. Сыныптастарымен араласады. Ауылға көп көмегі тиді. Қайырымдылық жасады. Биыл мектеп бітіргенімізге 20 жыл. Қанаттың бастамасымен мерейтойды атап өтпекпіз. Қанат бүгінгімінің сал-серісі ғой. Оған еркелік жарасады. Ауылға келгенде еркелейді. Біз оны көтереміз. Себебі, соған лайық. Жігіттер де, жеңгелері де, інішектер де, ауыл болып оны еркелетеміз", - деді сыныптастары.