Хасен Молдабаев
1985 жылы Семей қаласында дүниеге келген. 2007 жылы Шәкәрім атындағы Семей мемлекеттік университетін «Бұқарамен байланыс» мамандығы бойынша үздік бітірген. 2006 жылы «Жылдың жас журналисі» номинациясы бойынша қала әкімі жүлдесінің иегері атанған. Оқу орнында «Студенттер альянсы» жастар ұйымын басқарған. Студент кезінен мәдени іс-шаралардың жүргізушісі болып танылған. Еңбек жолын Семей қаласындағы жергілікті «ТВК-6» телеарнасынан бастап, кейіннен Астанадағы «Эра» телеарнасында жүргізуші-тілші қызметін атқарған. Қазір «Жетінші арнаның» тілшісі.
Жылы: сиыр
Жұлдызы: сарышаян
Сүйікті ас мәзірі: қазақтың еті
Сусыны: шие шырыны
Бос уақыттағы ермегі: кітап оқып, бассейнде жүзу
Жақсы көретін автокөлігі: Toyota Camry
Өмірлік ұстанымы: «Ақырын жүріп, анық бас!» (Абай)
Оқырманға пайдалы кеңесі:
«Ойым іске аспай қалды» деп мойымау керек. Керісінше, тер төгіп, еңбектене берген жөн. Еңбек бәрін де жеңбек. Жоспарларды жүзеге асыра бастағанда, Абайша айтқанда: «Ақырын жүріп, анық басу қажет». Қуанышқа бөленіп, бақытқа кенелем десең, өз-өзіңді қамшылап, жалқаулыққа бой алдырмағаның дұрыс. Осыны ойына түйген адам аңсаған арманына, көздеген мақсатына жетері сөзсіз.