26 наурыз күні сағат 15:00-де «М.О.Әуезов үйі» ғылыми-мәдени орталығында Халықаралық театр күніне және Қазақстан Театр қайраткерлері одағының 50 жылдық мерейтойына арналған «Қазақстан театрлары: бүгін және болашағы» тақырыбында республикалық ғылыми-тәжірибелік конференция өткізеді. Конференция жұмысына республикамыздың белгілі театртанушы ғалымдары мен астаналық және облыстық театрлардың бас мамандары және көрші мемлекеттерден шақырылған қонақтар қатысады.
Конференцияда театр және сын; театр және режиссура; театр және драматургия; театр және актерлік шеберлік; театр және сценография тақырыптары негізінде баяндамалар жасалып, талқылаулар жүргізіледі. Бұл материалдар кейін арнайы ғылыми жинаққа топтастырылатын болады.
Ұйымдастырушылар аталған конференция жұмысына сондай-ақ ғылым докторлары мен кандидаттарды, PD докторлары мен магистранттарды, театр басшыларын, режиссерлерін, актерлерін, сценографтарын және осы саладағы театр мамандарын қатысуға шақырып отыр. Конференцияға қатысу үшін баяндамалар мен өтініштерді 2013 жылдың 25 наурызына дейін ұйымдастыру комитетіне (mukaman@mail.ru) жіберуге болады. Жиын материалдары кейін арнайы ғылыми жинаққа топтастырылатын болады.
Талқы тақырыбы – театр
Последние статьи автора