«Сыр сандуғаштары» сайрайтын болды

«Сыр елі – жыр елі» дегенмен, осы күнге дейін дария бойында жергілікті жас өнерпаздардың дыбыс жазу студиясы болмай келген еді. Өнері өрге жүзген өрендер амалдың жоқтығынан еліміздің ірі қалаларына барып, сол жұмысты атқаратын еді.
Енді ондай әуре-сарсаң болмайды. Келе­шегінен үлкен үміт күттірген жас ұлан­дар туған қаласынан алысқа ұзамай-ақ, дыбыс жазуды жасата алады. Оны «Сыр сан­дуғаштары» балалар студиясы ат­қа­рады. Оған Қазақстанның еңбек сіңірген әр­тісі Қаракөз Ақдәулетова жетекшілік ете­ді. Талай талантты өреннің өнер әлемінің қия­сында қалықтауына даңғыл жол ашқан ол кісі енді тағы да елдің арасынан сондай өрен­дерді шығаруды көздеп отыр. Сту­дияда әндерін қазақ эстрадасының жарық жұлдыздары шырқап жүрген жергілікті сазгер Сәбит Ұлықпанұлы музыкалық көр­кем­деуші қызметін атқарады. Сондай-ақ, бұл жерде мың бұрала биші болғысы келе­тін және аспаптық жанрды үйренгісі келетін үміт­тілер де өзінің білімін шыңдай алады.
Қаракөз Ақдәулетова, «Сыр санду­ғаш­­тары» балалар студиясының жетек­ші­сі:
– Бұл мақсатта былтыр 7 млн теңге шамасында қаржы бөлінген. Осының арқасында кәсіби жазу аппараттары алынды. Мұндай жабдықтар Астана, Ал­маты қалаларында ғана бар. Енді олар­дың қатарына біздің студия да қо­сылмақ.