Студенттер санаторийі ашылады

Жамбыл гуманитарлық-техникалық университеті облыста алғаш рет бас болып студенттер мен оқытушылар үшін санаторий ашқалы отыр. Мұндай жаңалық бұрын-соңды өңірде болған емес.
Аталмыш оқу орны 2007 жылы Тараз­дың екі жоғары оқу орнының негізінде құ­рылған болатын. Еліміз бойынша  ең  үздік мемле­кет­тік емес білім беру мекемелерінің қата­ры­нан саналады. Жоғарғы санатты оқу орнында біліктіліктері жоғары профессор-оқытушылар білім нәрімен сусындатуда. Мұнда 300-ден астам оқытушы болса, оның 20-дан астамы ғылым докторы, 150 ғылым кандидаттары жұмыс істейді. 29 мамандық бойынша кадр дайындайды. Оқу ордасының материалдық-техникалық базасы толық­қан­ды. Ғаламдық желімен жұмыс істеуге мүм­кіндік ашылған. Енді білім теңізінде ізденіп жүрген сту­дент­тердің біруақ  демалуына да жағ­дай жасалып отыр. Мұндай артықшылық өңірдегі өзге оқу орындарында жоқ.
Жомарт ҚОШҚАРОВ, Жамбыл гумани­тар­лық-техникалық университетінің рек­торы:
– Студенттерді сапалы біліммен қа­м­та­­масыз етумен қоса, олардың бос уақытын тиімді жұмсауын да назардан тыс қалдырған емеспіз. Сол үшін де олар­дың тынығып демалуы үшін арнайы сана­торий ашуды қолға алып отыр­мыз.