Стивен Сигал Шыңғыс хан туралы кино түсірмек

Голливуд актері Стивен Сигал Шыңғыс хан туралы қомақты бір дүние түсіргісі келетінін мәлімдеді.
«Америкадағы дағдарыстарға бай­ла­ны­сты менің осы фильмді түсірсем деген ойыма қаржылық қиындықтар бөгет бо­лу­да. Сонымен бірге ондағы кино өндірісінің жағ­дайы да қазір онша мәз болмай тұр. Бірақ мен шынымен де Шыңғыс хан туралы үлкен бір эпос түсірсем деймін, бұл ретте маған көптеген ұсыныстар да түсуде. Бұл жо­баны жүзеге асыруға, бәлкім, менің досым, Астана әкімі Иманғали Тасма­ғам­бе­тов көмектесіп қалар. Ол Шыңғыс хан өмі­рін өте жақсы біледі», – деді актер Аста­нада өткен баспасөз мәжілісінде.
С.Сигалдың сөзіне сүйенсек, ол осы ба­ғытта көптеген зерттеулер жүргізіпті. Осы орайда С.Сигал: «Шыңғыс ханның бейіті үлкен және қазынаға толы. Онда даңқты қол­басшының аттары, тіпті әскері де бірге көмілген. Шамасы, ол адамдар өз-өздеріне қол жұмсаған немесе бақытсыз жағ­дай­лар­ға тап болған. Меніңше, моласын тап­пай жатқанымыздың себебі – Шыңғыс хан біздің өзін мазалағанымызды қаламайды. Бірақ бәрі Жаратушының еркінде, сон­дық­тан бұйрық болса, біз оны табамыз», – де­ген ойымен де бөлісті.