Шежіре толықтырылды

Қазақстан Жазушылар ода­ғының 75 жылдығы қар­саңында «Ан Арыс» бас­пасынан «Әдеби өмір шежіресі» атты анық­тамалық жинақ жарық көрді.

Бұл кітап бұдан бұрын Жазушылар ода­ғы­ның 70 жылдығына орай 2005 жылы «Ана тілі» баспасынан жарық көрген жи­нақ­тың толықтырылған нұсқасы.
Бұл нұсқаға шығармашылық одақтың 1-құрылтайы мен 13-құрылтайы (1934-2009 ж.ж) аралығындағы қаламгерлердің әдеби-шығармашылық өміріндегі елеулі оқиғалар мен мерейлі мерекелер, Қазақ­стан Жазушылар одағы басқармасы тара­пы­нан жүзеге асырылған әр алуан тақы­рыптағы игілікті іс-шаралар тізбегі ен­гі­зілген. Сондай-ақ осы аралықта өткен құ­рылтайларда жасалған баяндамаларға да орын берілген. Осынау шежірелі жи­нақты баспаға дайындау ісінде «Ан Арыс» баспасының бас редакторы болған, өмір­ден ерте кеткен талантты жазушы Талап­тан Ахметжанның да өлшеусіз еңбегі бар. 671 беттен тұратын қалың жинақты құрас­тыр­ғандар – Әбдәлхамит Нарымбетов, Еркін Жаппасұлы, Серікжан Қажи және Қайыр­ниса Жұмабаева. Жауапты редакторы – Ға­лым Жайлыбай.
«Айтулы шығармашылық одақтың 75 жылдық өміріндегі үлкенді-кішілі оқиғалар аса көп. Бұл шағын шежіреде сол әдеби шаралардың бәрін қамту мүмкін емес. Сондықтан шежіреде Жазушылар ода­ғы төңірегіндегі атқарылған істердің не­гізгі, маңызды дегендерін қамтуды мақ­сат тұттық» дейді жинақты құрас­ты­ру­шы­лар.