Шеберлер Шымкентке тұлпар сыйлады

Жуырда Шымкент қаласының қала күніне  «Қызыл трактор» суретшілер тобы тосынсый жасады. Бұл сыйлықтың өзгешелігі – шеберлер мерекеге «жылқының басын» ұсынды. Тұлпар бейнесіндегі темір қаңқаларды киізбен қаптап, «Үйір» атты композиция жасаған – шебер Смайл Баялиев.
Ташкентте өткен халықаралық қолөнер көр­месіне қатысып, ел абыройын асқақ­тат­қан қазақтың дарқан даласынан сыр шертетін «Дала архитектоникасы» атты көр­меге қойылған туынды осыдан 2 ай бұрын жасалыпты. Күні бүгінге дейін халық­аралық көрмелерде таныстырылып үлгерген еңбектің ең үлкенінің биіктігі 6,5 метрді құрап отыр.
Смайл БАЯЛИЕВ, суретші:
– Өзімді құдды бір көпшілік алдын­да емтихан тап­сырып жатқандай сезімде тұрмын. Ең бастысы, бұл еңбек шетелдік туындылардан сапа­сы жоға­ры, тіпті салыс­тыруға кел­мейді. Мәсе­лен, киіздің өзі қаншама уақыт­қа шы­дас береді, оңайлықпен тоза қой­майды. Ал жылқының басын жаса­ған себебім – әрбір елдің өзінің өнері мен табиғатын таныстыратын дүниесі болады ғой. Бізде де сол сияқты, қазақты жылқы­сыз елестете алмаймыз.
Қала тұрғындарымен бірге шаһар әкімі Дар­хан Сатыбалды көрмеге арнайы келіп, туын­дыларға бағасын беруді ұмыт қал­дыр­мады.