Шәкәрімге симфония арналды

Астанада көптен күткен тұсаукесер болды. Ұлттық өнер университетінің сахнасында қазақ тарихындағы тұңғыш отандық симфония орындалды.

Аталмыш музыкалық туынды қазақтың ұлы ойшыл ақыны Шәкәрім Құдай­бер­ді- ұ­лының өмірі мен шығармашылығына ар­налды. Симфонияның авторы – белгілі композитор, мәдениет қайраткері Серік Еркімбеков. Туынды екі бөлімнен құралған. Шәкәрімнің өмірбаяны арқау етілген бірінші бөлімде ақынның тағдыр тәлкегіне қалай ұшырағаны жайлы баяндалады. Ал келесі бөлімі ақынның ақиқатты іздеп, шы­ғыс елдеріне саяхат жасаған сәтін жырлай­ды. Симфонияда қазақтың қара домбыра­сының қолданылуы музыкалық кештің ең басты ерекшелігі, мәні мен сәні болды.
«Келешектің ойын ашайын деп жаздым. Өз заманым үшін жазғаным жоқ, келер дәуір адамы үшін жаздым», – деп Шәкәрім Құдайбердіұлының өзі айтқандай, әсіресе, жас ұрпақтың бойына ұлттық, мәдени сананы қалыптастыру үшін ұлы тұлғалары­мыздың есімін дәріптеп, еңбектерін наси­хаттау – бәрімізге міндет», – деді осы шараға қатысқан Шәкәрімнің ұрпағы Сиязбек Мұқа­шев өнерпаз жастарға деген ықыла­сын білдіре отырып.