Шәкәрім мүсіні – елордада

Астана күні мерекесіне – тағы бір тарту! Елордаға ұлы Абайдың ізбасар інісі, Алаштың ардақты ақыны Шәкәрім Құдайбердіұлының мүсін-бюсті әкелінді. Осылай деп сүйіншілеуіміздің де сыры бар.

Себебі Ас­танада әлі күн­ге Шә­кә­рім­ге ар­налған ес­керт­кіш тұр­ғы­зылмапты. Ең­селі ес­керт­кіш тұрмақ, ша­­ғын бюсті де жоқ екен. Енді осы ол­қы­лық­тың орны тол­ды. Аста­на­да­ғы Қазақ­стан-Ресей уни­вер­си­тетінде таяуда ашылған Абайтану ғылыми орталығының директоры, жазушы Алмахан Мұхаметқалиқызы Астана күні қарсаңында Семейге арнайы барып, Шәкәрім Құдай­бер­діұлының суреттегі ескерткішін алып келіпті. Бұл мүсін-бюсті жасаған – Семейдегі Сурет­шілер қоғамының төрағасы Сайлау­хан Қасымханов. Алмахан Мұха­мет­қа­ли­қы­зының айтуынша, Сай­лау­хан Алшын­бай­ұлы Шәкәрімнің Семейдегі тұңғыш бюс­тін мүсінші Мұрат Жан­бо­ла­товпен бір­лесіп жасаған. Ол бюст қазір Шә­кәрім атын­дағы Семей мемлекеттік универ­си­те­ті­нің ал­дын­да тұр. Ал мына мүсін-бюст – соның кіші­рейтілген көшірмесі. Оны енді Қазақстан-Ресей университетіндегі Абай­тану ғылыми орталығынан көруге бола­ды.