Танымал актер әрі тележүргізуші Рахман Омар екі рет некеге тұрғанын растады. Алайда ол өзін «екі әйел алған» деп сынайтындармен келіспейтінін жеткізді.
Бұл туралы актер Hit-TV арнасына айтты, деп жазады Stan.kz.
«Мен екі әйелдікке қарсымын. Мен бірінші әйелімнен заңды түрде кеткен адаммын. Көбінесе екінші әйелің деп айтады ғой. Ажырасып заңды түрде, екінші әйеліме қосылғанмын. Сондықтан оны екі әйелдікке жатпайтын шығар деп ойлаймын өз басым. Бір ғана жарым бар, тұрып жатырмыз. Бірақ енді Құдай берген балаларыммен араласамын, жолығамын. Әкелік қамқорлығымды көрсетемін. Ол енді Алланың алдында бәріміздің парызымыз ғой», – деді ол ағынан жарылып.