Рәміздерімізге арналған кітап көрмесі ашылды

Ұлттық кітапханада кітап көрмесі ашылды. Үш бөлімнен тұратын көрмеге қазақ және орыс тілдерінде 1000-ға жуық туынды қойылған.
«Әрбір азамат Қазақстан Жалауын, Ел­таңбасы мен Әнұранын тұмардай қасиет тұтуы қажет. Еліміздің сыналатын бір тұсы осы». 1996 жылғы 6 маусымда жаңа Мем­­лекеттік рәміздерді ресми жария ету рәсі­мінде Елбасымыз Нұрсұлтан Назарбаев осылай деген еді. Маусымның 4-і – ҚР Мем­лекеттік рәміздерінің 20 жылдығына орай, Ұлттық кітапхана басшылығының ұй­ым­дастыруымен кең ауқымды кітап көр­месі ашылды. «Мемлекет нышандары – Тәуелсіздік тұмары» деген атаумен өткен салтанатты басқосуға мемлекет және қоғам қайраткерлері, «Нұр Отан» партиясының өкілдері, жазушылар, тарихшылар, жоға­ры оқу орындарының студенттері, Алма­ты қаласының кітапханашылары мен оқыр­мандары қатысты. «Көрмені ашудың негізгі мақсаты – рә­міздеріміздің тарихын насихаттап, мән-мағынасын, ұлтымыздың бай құнды­лықтарын жастардың бойына сіңіріп, Отанды сүюге тәрбиелеу, нышандарды құрметтеуге, қастерлеуге үйрету», – дейді ұйымдастырушылар.
Көрме үш бөлімнен тұрады: алғашқы бөлім – «Менің Қазақстаным». Қазақстан жа­йын­да 20 жылда жарық көрген көпте­ген аль­бомдар мен фотоальбомдардан құ­рал­ған. Екінші бөлім – «Мемлекеттік рә­міз­­дер: Ту, Елтаңба, Әнұран» деп аталады. Бөлім мем­лекеттік нышандарымыздың та­ри­хы мен олардың авторлары туралы ба­сы­лымдарды ұсынған. Көрменің соңғы бөлі­мі – «Тарих тағылымы». Бөлімде қазақ хал­қы­ның тарихы, өткені мен бүгіні жайлы кітап­тар қойылған. Аталмыш көрме ҚР Ұлт­тық кі­тапханасы қоры­нан қазақ және орыс тіл­дерінде барлығы 1000-ға жуық туын­ды­ны ұсынады. Салтанатты жиында сөз сөй­леген ақындар Оразақын Асқар мен Ма­рал­тай Ыбыраевтар көрменің қызыл лен­тасын қиып, құттықтауларын өлең жол­дары­мен өрбітті.