Интернет қолданушылардың біреуі жағдайдың абсурдтығына таң қалса, екіншісі телешоудың тақырыбына ирониямен жауап берді.
"Кел, татуласайық" қазақстандық ток-шоуында жүргізушілер қызды зорлаушымен татуластыруға тырысты. Бұл туралы Caravan.kz медиа-порталы бағдарламаның YouTube-арнасына сілтеме жасай отырып, хабарлайды.
Шығарылымның бас кейіпкері 18 жасар Қызғалдақ Талғатқызы болды. 14 жасында оны үш жігіт зорлады, ал жәбірленуші олардың бірінен жүкті болып, ұл туды. Қылмыскерлер сотталды, бірақ түрмеге ешқайсысын отырғызбады.
"Бала әкесімен аралассын,оған еркек тәрбиесі керек", - дейді бағдарлама жүргізушісі, қатысушылар және шығарылымның кейіпкері.
ВИДЕО: www.youtube.com/watch
Бұл оқиғаның абсурдтығын Назира Дарымбет Newreporter.org сайттағы мақаласында сынға алды:
"Студия қатысушылары мен қонақтарының пікірлері де абсурдтық. Жобада мұндай таңқаларлық қайшылықтар да көп", - деп жазады мақала авторы.
Ол "Кел, татуласайық" ток-шоуының тағы бірнеше шығарылымдарын талдады.
Сондай-ақ, бұл бағдарламаға "Строгий агашка" Telegram-арнасы пікірін жазды.
"Журналистер қызды татуласу қажеттілігіне сендіре алды!
Бала әкесімен сөйлессін, балаға еркек тәрбиесі керек. Ал «зорлаушы қандай "еркек" тәрбиесін бере алады?» деген логикалық сұрақ 31 арнаның журналистерінде туындамады ма сонда?", - деп жазады "Строгий агашка" арнасының авторы.
"Время" газетінің журналисі Михаил Козачков та таң қалды, ол өзінің Telegram-да осы ток-шоу туралы хабарлама жариялады:
"Қазақстандық ток-шоу "Кел, татуласайық!» зорлаушылармен татуласуға үйретеді екен. Мені таңқалдыру қиын екеніне сенімді болдым, бірақ 31 арнадағы әріптестер оны жеңе алды", - деп жазды ол.