Қуыршақ театры жаңарады

Бірнеше жыл қатарынан сараптамалық зерттеу жүргізілген Алматы қалалық мәдениет басқармасының Мемлекеттік қуыршақ театрының ғимараты толығымен бұзылмайтын болды. Жыл басынан бері өнер ордасының тарихи бөлігі құлатылады деген даулы мәселе оң шешімін тапты. Ғимарат жаңартылып, аумағы ұлғайтылмақ.
Алматы қаласында 1935 жылы құ­рыл­ған Мемлекеттік қуыршақ театрының ғи­маратын бұзуға қатысты көтерілген сұ­рақтарға нүкте қойылды. Осыдан бір жыл бұрын ғимараттың сейсмикалық жа­ғ­да­йына баға беріп, толық тексеруден өткізген ҚР Құрылыс және тұрғын үй-коммуналдық шаруашылығы істері агенттігі сәуір айында өз жұмысын қорытындылап, сараптамалық құжатқа қол қойды. Аталған құжатта мем­ле­кеттік театрдың ғимараты өте көне бол­ған­дықтан, қайта жөндеуді талап етеді де­лінген. Сондай-ақ жер сілкінісі бола қал­ған жағдайда ғимарат қабырғалары қуат­ты күшке төтеп бере алмайтыны да атап көр­сетілген. Едендердің шіріп, бұрыш-бұ­рыштарда жарықшақтардың көрініп тұр­ғаны жайлы мәліметтер тағы бар. Са­рап­тамалық жұмыстар мұнымен де аяқ­­талмады. Биыл қаңтардың 23-і күні ҚР Мә­дениет министрлігі Мемлекеттік қуыр­шақ театрын қалпына келтіру және қайта тұрғ­ызуға қатысты атқарған сараптамалық жұмыстарының нәтижесін ұсынған болатын. Сараптама нәтижелеріне сәйкес, ғи­мараттың тарихи бөлігі сақталып, қал­ғаны толығымен бұзылатын болды. Мә­де­ниет басқармасы бастығының орынбасары Ер­болат Әуезовтің мәлімдеуінше, қуыр­шақтар театрында үш ай бойы ағаш жа­бындар, жертөлесі, шатырасты бойынша зерт­теулер жүргізілген. Ал қорытынды мы­надай: ғимараттың негізгі бөлігінен бас­қасы шұғыл түрде құлатылуы қажет. Себебі Қа­зақ ғылыми-зерттеу және жобалау-экс­пе­рименталдық сейсмикаға төзімді құ­рылыс пен сәулет институтының ма­ман­дары театрдың тек тарихи бөлігі ғана жер сіл­кінісіне төтеп бере алады деп мә­лім­деген. Мұндай болжамды құптаған мә­де­ниет басқармасының қызметкерлері тіпті ғимараттың іргетасының жоқтығын айтып отыр. Айта кетейік, 50-жылдары бұл ғи­маратта су құбыры жарылып, ірі апат бол­ған. «Сол себепті ғимараттың іргетасы жоқ, бірден жертөлесі салынып, оның үс­ті­не ағаш бөренелер қойылған. Қазір тем­пе­ратуралық режимнің әсерінен төменгі бөренелер шіріп жатыр», – дейді Е.Әуезов. Мәдениет басқармасы бас­шы­ла­рының сө­зіне сенсек, жаңадан тұр­ғы­зылатын театр ғимараты әлемдік дең­гей­дегі жаб­дық­тармен жабдықталып, театр қыз­мет­кер­леріне қажетті жағдайдың бар­лығы жа­салады. Тіпті өнер ордасының ау­қымы ұл­ғайтылады. Қазірдің өзінде театр сах­на­сын техникалық қайта жарақтау жұ­мыс­тары жүргізіліп жатқан көрінеді.
Естеріңізге сала кетейік, мәдениет бас­қар­­масы келесі жылы да басқа тарихи-мә­де­ни нысандардың жағдайы тексе­рі­летінін ха­барлаған болатын.
Ерболат Әуезов, Алматы қалалық мәдениет басқармасы бастығының орынбасары:
– Театрды қалпына келтіру жұмыс­та­ры барысында гримдеу бөлмелері, ше­берхана және қосымша көрер­мен­дер залы тұрғызылады.Сондай-ақ фо­йеде шыныдан витраждар салынып, кө­рермендер залы бұрынғы орнында қа­лады. Ескі театрда гримдеу бөл­ме­лері, шеберханасы болмаған, ал жаңа ғи­маратта бәрі қарастырылады. Шаш­та­раз, костюмдер мен қуыршақтар ті­гетін шеберхана, ең кішкентай кө­рер­мендерге арнап қосымша зал, буфет са­лынады. Қуыршақтар театрының ау­даны 600 шаршы метрге ұлғаяды. Қа­зір сахна техникалық және дыбыстық не­гізде жарақтандырылып жатыр. Зал­ды кинотеатр ретінде пайдалануға бо­лады. Келесі жылы да басқа тарихи-мә­дени нысандардың жағдайы тек­серілмек. Оларды да қайта жос­пар­лап, бәрін бұзып, қайта салу керек бо­лып отырған осындай көрнекі тәжі­ри­беден кейін алдағы жылға біз мәдениет та­рихы ескерткіштерінің мемлекеттік тізіміне кіретін барлық нысандардың жағдайын тексеру үшін бюджеттен қаржы қарастырдық.