Париж төрінде бірінші орын алды

Қармақшы ауданының орталығы – Жосалы кентіндегі №250 мектеп-лицейдің оқушысы Айжан Қыдырбек «Евросаябақ көзайымы» халықаралық байқауында бірінші орын биігінен көрінді. Еуропа төріндегі Париж қаласында болған ән сайысында ол төрткүл дүниеден келген жезтаңдай әншілер арасынан оқ бойы озық шықты.
Сыр өңірін былайғы жұрт сүлейлер ме­кені деп те атайды. Расында, бұл аймақта көмейіне бұлбұл ұялаған талай та­лантты тарландар дүниеге келген. Қа­зақтың төл өнерін бағалай білетін жұрт Қармақшыны жыраулар өлкесі деп біледі. Өйткені аталмыш ауданнан жы­раулық өнерді дәріптеп жүрген қаншама өнер­паз бауырларымыз шықты. Осын­дай құт қонған қоныстың қарлығашы Ай­жан да айдай әлем алдында қазақ хал­қының ән өнерін асқар биікке шы­ғара білді.
Ән байқауында Айжан орындаған әндерге шетелдік мамандар жоғары ба­ғасын берді. Келешекте оның өнер жо­лында өрелі биіктерге қадам басарына се­нім артты.
Ақзира ҚАСЫМОВА, Қармақшы ауданындағы №250 мектеп-лицейдің директоры:
– Айжанның халықаралық бай­қауда алған жүлдесі еліміздің абы­ро­йын асқақтатты. Оған қазақтың мақ­таныш тұтатын қызы бол деп тілек ай­тамыз да. Жалпы, біздің ұжым оқу­шымыз Айжанды мақтан тұтады.