"Өзге ұлт өкілі": Алтынай Жолдыбаева сүйіктісін көрсетті (фото)

Атышулы әнші Алтынай Жолдыбаева алғаш рет сүйіктісін көрсетті. Шоу-бизнес жұлдызының таңдауы өзге ұлттың серісіне түскен. Өнер иесі өзін бұл үшін аяусыз сынаған жұртшылыққа жауап берді деп жазады KAZ.NUR.KZ.

Алтынай Жолдыбаева Instagram желісіндегі парақшасында сүйіктісімен түскен фотосын жариялап, желіні шулатты.

Әнші ару ғашығының өзге ұлт өкілі болғаны үшін сөккен желі қолданушыларына арнайы азулы жазба қалдырған. Онда ол махаббаттың ұлт талғамайтынын жеткізіп, оқырмандарға кейін өз туыстары да басқа ұлттың өкілімен көңіл қосуы да мүмкін екенін естен шығармауға кеңес берген.

Алайда, кішкенеден соң өнер иесі бұл жағдайға қатысты азулы пікірін өшіріп тастады.

Эстрада жұлдызының аталмыш суретінің астында көпшілік қызу талқы ұйымдастырды. Халықтың пікірі екіге бөлінді. Бірі әртісті жақтап жазса, енді бірі керісінше оның таңдауын құптамайтынын жеткізген.

Айта кетейік, бұған дейін Алтынай Жолдыбаеваның белгісіз жігітпен құшақтасып түскен фотосы желіде қызу талқыға түскен болатын. Көпшілік оның қасындағы азаматты сүйіктісі деп болжады. Көпшіліктің айтқаны шын болып шығып, өнер иесі оны өзі растаған.