Бүгін Алматыда өнер жұлдыздары қала тазалығын сақтауға ат салысты. Әртістер қолдарына күрек пен сыпырғы алып, коммуналдық қызметкерлерге көмектесті.
Қоқыс тазалаған әншілер жұмыстарын Әуезов ауданынан бастады. Бұл шара енді дәстүрге айналып, бейсенбі сайын қаланың әр ауданында ұйымдастырылып отырмақ.
"Алматы қаласына Бауыржан Байбектің келуіне байланысты тазалық жұмыстары басталып жатыр. Мен қала бұдан да ары қарай өркендеп, одан да биікке шығады деп ойлаймын. Тазалық бар жерде денсаулық та жақсы болады. Кішілерге ізеттілік көрсету, үлгі болу керек. Себебі олар бізді көріп өседі ғой",- деді ҚР еңбек сіңірген әртісі Марат ОМАРОВ.
Бүгінде Әуезов ауданында 260 мыңға жуық тұрғын тұрады. Мұнда 1507 қоқыс жәшігіне арналған 243 контейнер бар. Күн сайын ауданнан 300 тонна қоқыс шығарылады. Тазалық жұмыстарына 180 қызметкер мен 40 арнайы техника жұмылдырылған.
almaty.tv