Нұржамал Мәскеуде концерт берді

Таяуда Мәскеу консерваториясының үлкен залында Қазақстан Республикасының және Татарстанның халық әртісі Нұржамал Үсенбаева өзінің жеке концертін өткізді.
Қазақтың бұлбұл әншісі Нұржамалдың ән кеші Евгений Светланов атындағы Ре­сей­дің Мемлекеттік академиялық сим­фо­­­ния­лық оркестрінің қатысуымен болды.  Оркестр дирижері Ресей Федерациясының еңбек сіңірген мәдениет қайраткері Марк Горенштейн. Аталмыш концерт Нұржамал Үсенбаеваның шығармашылығына 25 жыл толған мерейлі  мерекесіне орай ұйым­­­­дастырылды.  Әншінің жеке кон­цертін өткізуді өз жауапкершілігіне алған – Қа­зақстан Республикасының Ресей Феде­ра­циясындағы Елшілігі. Нұржамал­дың жеке концертіне әнсүйер қауым ерекше ықылас танытып, зал көрерменге лық толды. Ән кешінде Нұржамал Рах­манинов, Римский-Корсаков, Гуно, Пуччи­ни, Леонкавалло және Легар секілді әйгілі композитор­лар­дың шығармаларын орын­дады.