Нашақорлық жолындағы «Қасірет қақпаны»

Шымкентте, Жұмат Шанин атындағы Қазақ драма-театрында, Қасірет қақпанына түскен бозбала тағдыры туралы жазылған «Қасірет қақпаны» спектакліннің премьерасы болды. Жазушы, Халықаралық «Алаш» әдеби сыйлығының лауреаты Ерсін Қойбағарұлының трагедиялық бұл қойылымында ғасыр дерті - нашақорлықтың соңы қараңғы түнекке апаратыны көрініс тапқан.
Оқиға желісі бойынша, бір бозбала – мектеп белсендісі әрі білімге аса құш­тар­­лығымен көзге түседі. Спортты да жанын­дай жақсы көреді. Бірақ дәл осы жар­қын өмірін қарасора, яғни есірткі қараң­ғы қапасқа айналдырды. Алғашында жай ғана қызығушылық деп ойлағанымен, соңында нағыз нашақордың өзі болып шыға келеді. Бозбала рөлін сомдаған Сер­жан Құттыбаев осы трагедия арқылы есірт­кі­нің адамдарға әкелген қасіретін ұқтыруды көз­депті.
Сержан ҚҰТТЫБАЕВ, театр әртісі:
– Мен бұл рөл арқылы мынау отыр­ған көпшілікке талай сырды ұқтырдым деп ойлаймын. Себебі өрімдей ғана жас жігіттің өмірін күл-талқан еткен сол бір нашаның кері жолға апаратынын көп­шілікке жеткізуге тырыстық. Бар өне­рімді салып, есірткі қолданудың қан­дай жағ­дайға, қандай қасіретке әке­летінін де көрсеттік. Автордың ойын­дағы сезімді сезіндірдік деген ойда­мын. Әрине, егер біздің жас­тарға осы қойылым арқы­лы  қандай да бір берген жақсы тәрбие­міз болса, біз үшін бұл үлкен қуаныш дер едім. Сон­дықтан бұл «Қасірет қақпаны» бүгін­гі күннің үлкен сұранысына ие екені анық.
Сабырхан ШӘРІПХАНОВ, көрермен:
– Мұндай спектакльдер мен түсіндірме шаралар қазіргі қоғамға ауадай қажет. Се­бебі әлеуметтік жағ­дайдың өте жақсарып кетуіне байла­ныс­ты қоғамда түрлі азғын­дықтар бой көрсетуде. Мұның алдын алу, әрине, тәрбие ісінен басталады. Бүгінгі қо­йы­­лым – соның жанды дәлелі.
Елшібек ЖАНАЙ, көрермен:
– Бұндай спектакль дәл қазіргі қоғамға ауадай қажет. Себебі біздің достарымыз, мынау жастар, есірткінің етегінде кетіп, өмір­­л­ерін қор қылып жа­тыр. Жасырмай­мын, қазіргі заман­дас­тарымыз тіпті есірткі де­геннің не екенін білмей тұрып-ақ тұтына­ды. Білімсіздік­тің кесірінен өз өміріне өзі бал­та шабады. Бұны қоя тұрып, қарапайым ішім­дік пен темекінің құрамын жақсы біл­мейді ғой олар. Салдарынан өз денсау­лы­ғынан айырылып, өмірлік өкінішке тап бола­ды. Сондықтан осын­дай спектакльдер қатарын көбейту қа­жет деп ойлаймын.