Мейрамбеr Бесбаев өзін жақсы күйеу баламын деп мақтады. Қайын жұртының көңілінен шыққан әртіс о баста өзіне деген сенімсіздік болғанын жасырмайды. Ол жары Мархабатқа 17 жасында құда түскенін айтты.
Бұл туралы "Опмай-опмай" бағдарламасында айтылды.
"Мархабат екеуміздің отау құрғанымызға 16 жыл болды. 2004 жылы отбасын құрдық. Ол кезде Мархабат жас. Құда түсіп барғанда анасы қызының әлі жас екенін айтты. Тым болмаса 18 жасқа толсын да деді. Одан бөлек әртістерге сенбейтін көзқарас бар еді. Маған да сеніңкіремеген секілді", - деді Бесбаев.
Алайда бұл өткен күннің әңгімесі. Бүгінде күллі қазақтың сүйікті әншісі қайын жұрты үшін де сүйікті күйеу бала.
"Менен асқан күйеу бала жоқ қазір. Бір бажам бар. Жақсы араласамыз. Мархабаттың әкесі де жақсы кісі. Өмірден өткенше батасын беріп, ризашылығын айтқан еді. Жақында өмірден өтті. Біз ол отбасыға сіңісіп кеттік. Қайын жұртыммен арамыз жақсы", - деді әнші.
Бұған дейін Бесбаев жарының туған күнін дүркіретіп атап өткен еді.