Кубалық әнші Исаак Реал мен «Алдаспан» тобы «Қара жорға» әніне жаңаша стильдегі бейнебаян түсірді. Бейнебаянның тұсаукесері бүгін СТВ арнасында кесіледі деп хабарлайды Тенгри ФМ радиосының тілшісі.
Ән қазақ тілінде шырқалады. Бейнебаянның түсірілім жұмыстарына Алматы қаласының және кубалық бишілер атсалысқан. «Алдаспан» тобының мүшесі Нұржан Тойшының айтуынша испанша сөйлейтін әншінің орындауындағы қазақтың әні барынша заманауи және тамаша шыққан.
Ал өз кезегінде «Алғашқы ән таңдау барысында мен әннің сөзінің оңай болғанын қаладым. Бірақ, «Қара жорғаны» естігенде дәл осы әннен бастау керек екендігін түсіндім. Оңай жол болмайды демекші, тілімді жаттықтыру үшін әннің барлық сөзін жаттап алдым. Мен осы әнді қатты айтқым келді. Себебі, латын мен америкалық әндер секілді ол өте ырғақты. Не дегенмен, барынша тырыстым. Өз ойымша жақсы шыққан секілді» — дейді Исаак Реал.
Бүгінде Исаак қазақ мәдениетін өзге елдерде таныстыруға тырысып жүр. Осыған дейін маусым айында кубалық әнші мен «Алдаспан» тобының «Ай, Мария!» әні Кубадағы Radio Metropolitana хит-шеруіне кірді.
baistars.kz