Конституция құрметіне кітап көрмесі ұсынылды

Кеше Алматыда «Конституция және Қазақстан Республикасындағы конституциялық дамудың өзекті мәселелері мен болашағы» атты Конституция күніне арналған дөңгелек үстел өтті.
Отырыс қонағы Сұлтан Сартаев Қазақстанның болашақтағы мүмкіндіктері өте үлкен екенін айтады. Оның айтуынша, жер көлемі жағынан әлем бойынша тоғызыншы орынды иеленетін Отанымыз­дың жер асты және жер үсті байлықтарын тиімді пайдаланған жағдайда екі миллиард адамды асырап отыруға шамасы жетеді. «Осындай зор мүмкіндіктері бар халықты тек бейбітшілік жағдайы ғана жетілдіре алады. Мәселен, соңғы жылдары экономи­касы мен әлеуметтік ахуалы айтарлықтай артып бара жатқан Ливияның өзі ақпарат­тық шабуылға шыдамай, шаңырағы опы­рыл­ды» – дейді заңгер.
Шара барысында дөңгелек үстел қонақтарына «Конституция – Қазақстанның тұрақтылығы мен өркендеуінің негізі» атты безендірілген ауқымды кітап көрмесі ұсы­нылды. 1500-ден аса әдебиеттер қойылған көрмеде «Мәдени мұра» мемлекеттік бағ­дарламасы бойынша шығарылған кітаптар ерекше қызығушылық танытты. Көрмеде қазақ халқы үшін ортақ заңдас­тыру тарихи кезеңі туралы материалдар ұсынылды.