Танымал кинорежиссер, сценарист Ұлжан Қолдауова 76 жасында өмірден өтті, - деп хабарлайды Alashainasy.kz тілшісі "ҚазАқпарат"-қа сілтеме жасап.
Қаралы хабарды Ш. Айманов атындағы «Қазақфильм» киностудиясының баспасөз қызметі растады.
Ұлжан Қолдауова 1946 жылы 1 тамызда Қызылорда облысының Қазалы станциясында дүниеге келген. КСРО Кинематографистер одағының мүшесі. 1968 жылы «Қазақфильм» киностудиясы жанындағы киноактерлер студиясын, 1971 жылы М. Киров атындағы Қазақ мемлекеттік университетінің журналистика факультетін бітірген.
Еңбек жолын 1965 жылы «Қазақфильм» киностудиясында бастады. Режиссердің көмекшісінен дубляж фильмдердің жоғары санатты режиссері мен көркем фильмдердің қоюшы режиссеріне дейінгі жолдан өтті. 300-ден астам фильмге дубляж жасады.