Соңғы 2-3 аптада Баян Есентаеваның продюсерлік орталығы бірнеше бейнебаянның тұсауын кесті. Баян ханымның қарамағаныдағы қыздардың ішінде бейнебаянын көпшілікке көрсетудің кезегі Ерке Есмаханға да келіпті.
Таяуда Ерке Есмахан Гоаға барып «Бал сезім» атты әнге бейнебаян түсіріп қайтқан еді. Бұл клипте әнші сыған қызының образына еніп, сымбатты жігітке деген құмарлығын әнмен, бимен жеткізеді.
Сәуір айының басында ғана «ShineProduction» продюсерлік орталығы "Лашын", KeshYou және Камшат Жолдабаеваның бейнеклиптерін жарыққа шығарған болатын.
Баянның продюсерлік орталығында әншілігімен көзге түскен Ерке Есмаханды кейбіреулер қазақтың Эсмеральдасы деп те атайды екен. Сондықтан да болар клипмейкер Ернар Нұрғалиев бұл жолы Еркені сыған қызына айналдырыпты. Бейнеклипте сыған әуені, гитара, сығанның әдемі қызы мен сымбатты жігіті, көңілді табор, тіпті түнгі алауға дейін тамашай аласыз. Ал сыған халқына тән мінезді, құмарлық пен махаббаты біздің қыз-жігіттер қаншалықты жеткізе алды, оған көрермен бағасын бере жатар. Ендеше тамашалаңыздар.