Соңғы кездері шығармашылық жаңалықтарымен емес, әлеуметтік желідегі жұртқа діни тұрғыда түрлі ақыл-кеңесін айтып жүрген Индира Расылхан тағы да халықтың ашуына тиді. Бұл жолы әнші еңкілдеп жылаған бейнежазбасын жеке парақшасына салып, көпшіліктің сынына ұшыраған, - деп хабарлайды Alashainasy.kz тілшісі "Экспресс К"-ке сілтеме жасап.
Ғаламторды шулатқан видеода Индира Расылханның еңіреп жылап, көз жасына ие бола алмай отырғанын аңғаруға болады. Әнші аталған жазбасында жер бетіндегі ең алғашқы мешітке баруды армандап жүргенін айтыпты.
Я, Аллаһым! Мені өзіңнің шақырған құлдарыңның қатарынан ете көрші, — деп жазды әнші.
Бұрын тек сахнада көрініп, әншілік қырымен танылған Индираның бұл қылығы халыққа жақпай қалса керек, оқырмандары әншінің дәл осы әрекетін жасандылыққа балап, неше түрлі жағымсыз пікір жазыпты.
"Дұға қабыл болу үшін видео қосып қойып жыламай, сәждеге жатып жылау керек. Мынау ұят", "Крышасы кетті деген осы", "Әй, әртісе десе, әртіссіңдер ғой. Не мынау спектакль? Дінді әбден мазақ қылдыңдар", "Өтірік жыламашы. Тек жұртқа көрсету ғой", — деп сынады желідегі жұрт.