Instagram желісінде Алтынай Жорабаеваның белгісіз ер адаммен құшақтасып тұрған суретін көрген тыңдармандары әншіні сөгіп тастады. Олар суреттегі ер адамды Алтынайдың сүйіктісі деп қабылдаған.
Аталған суретті Мәнсия есімді желі қолданушысы өз парақшасында жариялаған. Суреттерден Алтынайдың жанындағы ер адамның парақша иесінің жақыны екенін аңғаруға болады.
Мән-жайға қарамай сыни пікірді қарша боратқан хейтерлардың пікірі екіге бөлінді.
"Оғаш сурет екен", "Күйеуі басқа адаммен бас қосқанда, Алтынай неге өзге еркектің құшағында тұрып суретке түспейді? Ол бақытты болуға лайық!", "Ажырасқалы бері құлпырып кеттіңіз. Сізді тырп еткізбей отырған күйеуіңіз екен ғой", "Төрт баламен байға тиіп, құтырған", "Мына еркек сізге жар болмайды, тағы да сорыңыз қайнамасын", "Сәбиттен жас көрінеді екен. Бақытты болыңыздар!",- деп жазған желі қолданушылары.
Ал екінші тарап болса әншінің бақытқа лайық екенін жазған. Ал суреттегі жан Алтынайдың құрбысының жары деген.
"Бақытты болуға лайық!", "Бұл Алтындайдың жездесі, ауыздарыңа келгенді айтпаңдар", "Туысы шығар, неге сонша сөз таластырып кеттіңіздер", "Мүмкін жарнама үшін жасаған болар, дұрыс түсінейік", -деген оқырмандар.
Еске салсақ, әнші көңілі қалаған жан кездессе, екінші рет тұрмысқа шығуы мүмкін екенін мәлімдеген болатын.