Белгілі ресейлік әнші МакSим-нің өкілі оның жағдайына қатысты пікір білдірді.
Оның айтуынша, әншінің жағдайы ауыр болса да, денсаулығында басқа өзгеріс жоқ. Бірқатар БАҚ өкілдері бұдан бұрын оның бауыры зақымданғанын жазған болатын.
Өнер иесі өкілінің айтуынша, Маринаны дәрі-дәрмектік ұйқыға жатқызар алдында дәрігерлер оны толық тексеріп, басқа ауруды қоздыруы мүмкін ешқандай белгі тапқан жоқ.
«Мен өтініш жазып, астына аты-жөнін атап қоя алмайтын «дәрігер» мен «достарға» сенбес едім. Сондай-ақ, бұл жағдай бауырдың зақымдануынан болған деп жазбас едім», – деді ол.